I wanted to make up for lost time in keeping this blog stay afloat, but somehow three big events of tsunami proportions in my life as a lesser mortal, if I may be verbose about it, slowed me from doing so.
FIRST EVENT
I'm now in the USA. My wife and I arrived here in New Jersey on August 20, 2016 (taking the route from Baguio to Manila to Taiwan to Los Angeles to New York).
It took a while for me to go through the eye of the needle to come here.
SECOND EVENT
You must have learned about this through Facebook: MY MOTHER DIED.
This was on Sept 19, when I was only 28 days old in the USA.
As is expected, I needed to go home to at least see her for the last time.
Being the eldest in the family, the days that followed my mom’s departure had made me very busy, to say the least.
Two days after we interred my mother’s remains in Dupax on Sept 28, I went up to Baguio and maximized “apostolic” time with my two grandkids there until the evening of Oct 7 when, in the face of an increasingly inclement weather, my son and I motored straight up to NAIA 1 to catch my 4:00AM Oct 8 flight to New York (via Taipei).
THIRD EVENT
Again, you must have heard of this via friends on Facebook: I WAS RUSHED TO THE HOSPITAL.
This was the day after I had barely resumed and warmed my joyful seat (along with Mrs. Castro) as lolo-cum-nanny to my 5-month-old twin grandkids here at New Jersey.
It was a case of diverticulosis (“a condition where the colon develops little pockets or potholes as a result of a diet relatively low in fiber and high in animal products”). Sakit kano ti lakay daytoy (“about half of all people over age 60 have it”).
Ti kunada ket harmless ti diverticulosis. Ngem sabali ti naaramid kaniak ta uray awan ti nariknak a nasakit, naibusanak iti dara after at least five successive visits to the “comfort” room.
To make the story short, nagbakasionak idiay Jersey City Medical Center iti exacly one week (Oct 10 to Oct 17) ta bimmaba kano unay ti blood pressure ken hemoglobin daytoy kabsatyo.
HAPPY TO BE BACK
Now I’m back in this beautiful place of the Garden State near the Hudson River where my daughter and son-in-law (born in New York, his mother is from Pamplona, Cagayan and his father is from Villasis, Pangasinan) are raising their twin daughters.
I’m still in recuperating mode, but rest assured I’ll try my best to catch up with on what I was supposed to catch up with before these three events happened.
Thursday, October 20, 2016
Friday, July 8, 2016
Monday, July 4, 2016
The First Komiks in Isinay
SOMETIME LAST May, I burned the midnight candle (to use an ancient cliche) giving the rainbow to two entries required from applicants for the 5th Cordillera Creative Writing Workshop. One is a komiks (titled "APU LITTUU" and complete with illustration by my nature artist friend Dante N. Pecson), and the other is an essay ("Eve an Mantahtahelle' si In-a-Isinay Uwar: Deyomdom on Nu'nu' si Osan Lahay").
The workshop was supposed to be sponsored by University of the Philippines Baguio and the National Commission for Culture and the Arts, and was scheduled to be held at UP Baguio on 18-22 July 2016.
As it developed, however, the event was moved to October or sometime later this year.
From what I heard, the postponement was made as there were not enough takers from the linguistic groups (namely: Ibaloy, Kankanaey, Tingguian, Bontoc, Ifugao, Kalinga, Isnag, Gaddang, Ibanag, Ivatan, Itawes, Karao, Kalanguya, Iowak, Isinay, Kapampangan, Ilokano, and Pangasinan) targeted as participants.
The senior Isinay in me has no illusions that my two nonfiction entries may get the nod of the screening committee. But since there is a high probability that I may be out of the country by the time this would-be historic writing workshop pushes through (which means that I may not be able to participate in the workshop after all), I opted to share in this blog the script of one of my outputs -- a komiks that as far as I know is the first ever to be written in Isinay.
Eh, abeveyoya' an Isinay on i-Vizcaya, matuttuwa on maserot an pan-alegan tiyen sutsur. Mu ahayhayan yun poroban, ayon yun pasyalon di bida nar an si Ama Dopinio Mento, osan Kalanguya an taga Sitio Kakilingan, Barangay Buenavista, Bayombong (siri baiyurar si udduwon Busilac, an mavangte mu diyoy at di anduoyar deyangtoy siri Batu Ferry, Bambang).
APU LITTUU
KOMIKS
Insutsur CHARLZ CASTRO
Indrowing DANTE N. PECSON
Page 1
ATTU RI ITSORANAR SITIO KAKILINGAN, OSAN MAN-OH AN BEVEYOY SIRI UDDUWON BARANGAY BUENAVISTA, MABAIYUR AN LUGAR AN SAHUPON BAYOMBONG, NUEVA VIZCAYA.
SIREDYEN POTO’ YA PAMPATPATTOLAN TAY SI BAHA ON NUWANG TIYEN KAKILINGAN. OPONG SI TIYEHAW YA LOHAVANDA RI IMMOTONGAR DARIN BOTLONG TOY AYAWON DI AYOPAR DARI RI MISANOTAR AN BEYUN BOTLONG.
MANSU’NUT DIYEN INDEKLARAN DI GOBYERNO WAR AN COMMUNITY-BASED FOREST MANAGEMENT AREA TIYEN LUGAR, NANTANTANOM RI TATAHU WAR DARIT AYU-AYU ON URUM TAY AN PAMBILAYAN. BESAN YA SIMMEROT MOT KAKILINGAN.
Page 2
MARAWUM AMMAIYANAR SI GAYHAYA SI TATAHUWAR SIRI KAKILINGAN BESAN YA SIMBEYANAR AN DOPINIO ON MEDINA MENTO. MITMITTU DARATYEN KALANGUYA SIRI URUDDU WAR PODDAN PARTEN SI KAKILINGAN.
BEYAW MARIN ATDIT AREEYANAR AN ABEVEYOYANA AN AY-AYAN DA LAN MAVILAY SI BAIYURAR, MASEROT DONGNGEYON RI SUTSUR DI NAMPASAN DA DOPINIO WAR.
MATANDALAN TAY DOPINIO MU ANDIYE BILAYAR SIRI KAKILINGAN SIREDYEN POTO’.
DOPINIO: “SIRIYEN 1980 AN DIMMATONG AMITTU KAKILINGAN... MAROOT TAY ON MASULIT PIYO’ NAR TOY KODAL IMAN SI BAHA.
“MU TIYEHAW AN LOHAVAN DA URUMAR BAIYUR, UMALI RI APUYAR SITU LUGAR MIYAR. OT NAYYIR PODDAN MAAPIT MIT TANOM MIYAR DARIN LAMOS TOY MEPA ON MATOY RAT MATUNGAR... ATDI PAY SI URUMAR BUWEN, MATDUANAN TAYO’TO AR DARI...
“ATDI PAY AN MABATUM PODDA TIYEN LUGAR. SIN-OTSA TAY RI AYU-AYU NAR TOY DODDOT DA IMAN AN LOHAVAN. ANDOHLAN MU TIYEMPON SI TIYEHAW YA ALATLAN DISYERTO AN MATUNG... MASAIT PODDA BILAY MIYAR.
“MU DIYOY ILAT MAPARAS SI TANOM MIYAR DARI, NEYYIR PAYLAT SERBI RA MU UMALIN MANGGATIN ON MANUTTUR RI DEEYAR BAHA. OT MU LAVI ILA YA DIYOY RAT URUM TATAHU AN MANGERAW SI BUNGAN DI NAMPAHELAN MIYAR.”
Page 3
DOPINIO: “MAVILAY LOHOM PAMILYAAR, NILLAT OSAN INAPYA’ — MANALINUT BAVUY, MANLAHOT ITUNGU, INPATANGDAN U NUWANG UWAR..."
DOPINIO: “IMMOYA’ PAY NANGAN-ANUP SI ADDAWIYAR LUGAR... IMBUYA’ PAY NILILLIYA’ SI URUMAR TATAHUT TU BUENAVISTA ON URUMAR BEVEYOY...
“ATDI PAY AN INESEP UN UMULI AMI MOT LOHOM SIRI NI’BUSAN MIYAR AN MABAIYUR ON ADDAWIN BEVEYOY SI AMBAGUIO.
“WAR NANAWIRAR ISAON AN TUMAYAN SIREN MASAITAN AMI TAY PODDAT BILAYAR SITU KAKILINGAN YA OTANG UWAR MAVVES NOMNOM I APU GAVINO ACOSTA. SIYAT NANAH-A ISAON AN UMALITTU.”
GAVINO ACOSTA: “MAVVES TOY IMMALI AYUTTU MAN-OHAR BEVEYOY MIN BUENAVISTA! DOMON YUN MITTUT TU… MANTUNAT AHAYHAYAN YU. NARARAN AMIN MANGIATOR SI DA’DA’ IRA’YU BASTA MARI AYUN MAMOTBOT SI AYU.”
DOPINIO: “SALAMAT PODDA, APU GAVINO. AHAYHAYAN MITTU LUGAR YUWAR. ILALOWAN YU AN ABVESON MIN SIMBEYAN RI ISF MIYAR.”
DOPINIO: “SI MAVVESAR PEYAR, SIREN 1984, INLAPUN DENR RI PROGRAMA NAR AN INTEGRATED SOCIAL FORESTRY SITU NUEVA VIZCAYA. NIPEYAR AN SAON SI OSAN NITOTEN PARTICIPANT-BENEFICIARY.”
DENR FACILITATOR: “THE ISFP SEEKS TO DEMOCRATIZE ACCESS TO FOREST RESOURCES. IT IS BASICALLY AGRARIAN REFORM IN THE UPLANDS.”
Page 4
DIYOY SI DINAWAT DOPINIO ON A-ISU NAR DARIN UPLAND FARMERS AN PAPELES NI’BUS SI DENR AN NANGARANAN SI CERTIFICATE OF STEWARDSHIP CONTRACT.
FORESTRY DIRECTOR: “OTOY RI CSC MAR, UWA DOPINIO... IT GIVES YOU TENURIAL SECURITY FOR 25 YEARS, RENEWABLE FOR ANOTHER 25. CONGRATULATIONS!”
DOPINIO: “SALAMAT SI DEEM PODDA IRA’YU, APU DIRECTOR ROMY ACOSTA!”
BOON AN ATDIT URUMAR SOCIAL FORESTRY PARTICIPANTS, TINUTTUWAN DOPINIO RI NISULATAR SI ISFP CERTIFICATE OF STEWARDSHIP CONTRACT NAR.
DOPINIO: “ANDIYE NI RI MAVVESAR ITANOM SI NIATORAR AN LUGAR MIT TU BAIYURAR? AHAYHAYA’ TANOMAR DARI AN AMPAYLAMU MARI YA’ MAMOTBOT SI AYU, YA MARIN MAABOLEYAN RI BILAY MIYAR AN SINPAMILYA.”
SI PANGAN-ANANAP DOPINIO MU ANDIYE RI MAVVESAR DARI AN ITANOM NA, IMMOY NANANSANTUT URUMAR TATAHU ON NAMPASYAL SI URUMAR BEVEYOY.
DOPINIO’S WIFE MEDINA: “DOPINIO, SANGKANAN DODDOT AN TUMAYTAYAN?!! ANNU, DIYOY SI MARIIT AN AYOM AR-ARUGON?!!”
DOPINIO (THINKING OUT LOUD): “DUPAX=MANGO. KASIBU=CITRUS. BAGUIO=STRAWBERRY. SANTA FE=HANDICRAFT. BELANCE=YAKUN. DALTON PASS=ORCHIDS.”
Page 5
AMUNGLAN NITDAN SI MASAIT SUVVETON ON MANGANGNGA’ AN LOHMO’, EHAWAN TA LAVI AN NAN-ESE-ESEP SI DOPINIO. NI’NAM NIYE, OSAN EHAW...
DOPINIO (SHOUTING): “ALLELUYA! AMTA’ MOT! AMTA’ MOT! LITTUU!!!”
NILAWUS RI GAYHAYAN DOPINIO WAR SI NAESEP NAR AN ITANOM SI LUGAR NAR SIRI BAIYURAR — AWWOY AN MAMBUNGAT LITTUU.
DOPINIO: “SALAMAT, APU DIYOS. TUWA RI INADDI MAR… MU ANAPOM, YA MAANAPAM!”
NANBEVOY SI ESEP DOPINIO WAR RI DINGNGE NAR DARIN SUTSUR MIPUN SI LITTUU.
SITU URUDDUN LUZON, DEEN BEVEYOY ANU, ALIMBAWA NUEVA VIZCAYA, QUIRINO, IFUGAO, ISABELA, ILOCOS, ON BAGUIO, AN AHAYHAYAN PODDA RI BAVAYI YAR DARI, PASI UUNGA, AN ANON DI LITTUU WAR. MU NEYUTU AMPAY TIYE YA MASANTAN SI MAMIS RI DATI YAR MAESOM AN TAMTAM NA.
NATANDALAN PAY DOPINIO RI INILA NAR DARIT DI BAMBANG AN BURUWON DA NEYAMSANAR AN LITTUU. MAVVES ANU TIYEN TAPAL SI UU’ ON TONSILITIS.
MU NEYIR SOMPALO, MANGGA, O MU KALAMANSI, DOMO NA ANUN PANLOHOS SI SINIGANG RI LITTUU WAR. ATDI PAY MU KILAW AN I-AN ON MANLAPTULAPTU’ AN AHDAW AN NGARANAN DAT JUMPING SALAD.
DINGNGE NA PAY AN AMPLAMU MATA TAY YA AYAWON ANU RI MANSISIPE YAR DARI.
OSATAY NANU’NU’ DOPINIO YA NEYIR TAY INILA NA AMPLAMU OSAN NANTUVUN LITTUU O MU ANDEMAN AN AWWOY SIRI KAKILINGAN ON BUENAVISTA.
BAYAW OT MARIN NALILLIWA, DIYOY PAT OSAN PROBLEMA...
DOPINIO (THINKING): “PANGEYA’ NGAY SI BUE? SIRI SIERRA MADRE? SIRI BANAUE? ADDAWI RAM PODDA. I-ATOR U MOT LOHOM PAMPILETE AR SI ANA’ UWAR DARIN MAN-IKWILA.
“OT MU SIRI ILA DALTON PASS ON SANTA FE SI PANGANAPA’ SI BUE, MARAWUM DARAMONA’ PAY BI-AL UWAR. AY APU, SI SATYEN IN-ALAHAY U, SUSPETSO NA TAY AN MANGARUGA’ SI URUM!”
Page 6
MAVVES LOHOM TOY DIYOY PAT NAESEP DOPINIO AN SOLUSYON: OMOY SIRI BEVEYOYAR BAMBANG AN MAVANGTE MU DIYOY AT DI BAIYURAR KAKILINGAN.
TSISMOSA #1: “EH, KUMARI, ILAM DYU LEIYAR... MILAHLAHAYAN AN MAMMUNG SI BUEN SI LITTUU... WAN MANSISIPE BI-AL NAR?”
TSISMOSA #2: “PSSSTT… BA’BA’ A… WAPAY NI’BUS NIYET DI MENTAL HOSPITAL!”
SIMPIYUN BUE LOHOM RI IMMUNG DOPINIO WAR SIRI BAMBANG. BAYAW SOSTO MOT TIYEN PANLAPUWAN, INADDI NAT ESEP NAR.
DOPINIO (WHISPERING): “TIPE LOHOM. URITTI’ LA INUMMUNG UWAR BESAN, BAYAW AS-ASUP PAY BEYOY MIYAR SITU BAMBANG. ASA’ TU PAY UMULI.”
TINANDALAN DOPINIO RI INTUTTURUN DI OSAR AN MANLAHLAHOT ORKID ON SEMILYAN SI AWWOY SIRI SANTA FE.
DOPINIO (NICKING LITTUU SEEDS): “TA WEYMU MANTUVUN INSEGIDA, AY-AYUNOM AN ALSON RI U’BUNG DI TUUTU’ DI BUE YAR AN BUTTAN DI SAMILYA NAR.
“MU URYA’ APYON TIYEN TEKNIK, SINTAW-ONAN NANUNG MANTUVU TIYEN BUE. BOON ILA YA MATOY.”
Page 7
SIREDYEN NANLOTA’ RI NAUN-UNAR DARIN BUE, NAMMUNG PAT DOPINIO SI MAS DEE TAY AN BUE. AMUNG AMMAIN LOHAV, NITETAH INSEGIDA AN DIYOY SI OSAPAY AN AP-APYON DOPINIO.
WOMAN #1: “ANAY APU, ANDE NIN DAHOM RI LIMMOOVAR SI IYUN DOPINIO WAR?”
WOMAN #2: “LITTUU?!? SIRAN SI NANGIVAHAN MANTUVU NIYET TU?”
FARMER #1: “AYYU-AYYU, SI’NUN BUWEN MOT PELAOVOS AN MAN-AT-ATNA NIYEN LAHAY. NILAWUS NI PANKABAW NAR.”
MAN #1: “MANTANTANOM ANUT AWWOY SI DOPINIO??! HA-HA-HA... NAVILAW! NANGILAM AN MANTUVU RI AWWOY YAR?”
MAN #2: “MATANDALAM TAY SIREN BEYU TAU DIMMATONG SITU KAKILINGAN? MISABSAVAYAT NET DOPINIO SI PUN SI BALITIYON.”
SARI-SARI STORE KEEPER: “MAHO’GOSAN… BAYAW ATNA MAAPYAR SI TATAHUWAR DARIN NILAWUS RI ESEP DAR...”
TSISMOSA #1: “ADYON BI-AL MEDINA, AN OPONG SI EHAW YA MANEYTEYA’NUT LAHAY NAN DOPINIO AN OMOY MANUBUH SI TANOM NAR DARIN AWWOY. KESUS-MADIYA-KUSEP, PATAWAROM. MAVVES LOHOM TOY MARIN ATNA RI LAHAY UWAR!”
TSISMOSA #2: “SIYARI IMAN, KUMARI… PAREHON MAMBUTO-VUTONG RI LAHAY UWAR ON LAHAY MUWAR, BAYAW NEYYIR URUM PANBILBILAWANDA MU BOON AN ALAH ON SEROT TAR... ANDIYE BOTAON DOPINIO WAR SI DARANEN AWWOY?”
AMTAN DOPINIO AN SIYAT PANSUSUTSURAN DI TATAHUWAR DARIT DI KAKILINGAN. BAYAW URYA NA DIRAN PINELET. KADA DIYOY SI MAONNANAN BUEN SI LITTUU ON URUM TAY AN AWWOY, AYONA INSEGIDA DIRAN ITANOM SIRI AGROFORESTRY FARM NAR SI BAIYURAR. SIREN UN-UNANA, OMOY AN SINDOSENA LOHOM RI ITANTANOM NAR. MARIN NALILLIWA, SIN-GOMGOM BOON ILA YA NILASLASUS MOT RI PANLOTLOTAONAR.
MU SINDANGAN MOT RI AMMAIYAN DI SAMILYA NAR DARI, AYONA DIRAN I’TAN SI GITAWAR. KADA OSAN SAMILYAN SI LITTUU AN I’TAN NA, DIYOY SI ALUUY NA AN SAMILYAN SI NARRA, GMELINA, MAHOGANY, OMU URUM TAY AN AYU. TINAMNAN DOPINIO RI CBFM AREA NAR, PALIWOR DI BEYOY RAR, TANDIH DI DEYANAR, PASI URUMAR BAIYUR. BESAN MOT YA LIVU-LIVU AN LITTUU ON ALUUY RAR AN PUN SI AYU RI INTANOM DOPINIO WAR SIRI BEVEYOY RAR KAKILINGAN.
DOPINIO (PLANTING LITTUU): “SATU RI ADYONDAR AN ‘SYMBIOSIS’. MU UMAMMAI DARATYEN LITTUU, DIYOY TUT PAN-EYAVAN DAN AYU. MINABANG TU PISYA DARATYEN AYU TOY DIYOY TUT LIRUM DAN LITTUU MU TIYEHAW. POORON TU PAY RI SUWIT DI LITTUU WAR DARARE MAMOTBOTAR DARIT AYU.
“MASEROT MU MANDARAPAT AN ITANOM DI LITTUU ON AYU WAR DARI, TOY MANBALIW RAN MATUWAN EYAS, MARIN MONOCULTURE.”
Page 8
SIREDYEN MAVATAR MOT PODDA RI MAVVESAR AN PEYAR DI INTANOM NAR DARI AN LITTUU ON AYU, MANGGAYHAYAM PODDAT DOPINIO. BAYAW MADAHET RI PANGIONNAN DI URUMAR TAHU.
TREE CUTTER: “PISTI TIYEN DOPINIO... SANGKANAN TINAMNANAT AWWOY DARATYEN LUGAR? DEEM PODDAT SUWIT DA! MASAIT MOT PODDA AN MANGAYU ON MAMOTBOT SI GMELINA!”
MU URUM YA UMARUNGE PISYA ANA’ DOPINIO WAR DARI. MARAWUM BEYOYAN ANUT IRAW ON URUM TAY AN BALANG AN AYOP RI INAPYAN DI AMA RAR AN EYAS SI AYU ON LITTUU.
DOPINIO’S SMALL DAUGHTER: “PAPA DOPS, I LIKE LITTUU BUT NOT SNAKES!”
MARIN PINELET DOPINIO DARAREN DODDORAH DI ASAH-ON NAR TATAHU. INTOLTOLANG NA PASI PANKENE’ DI ANA’ NAR DARI. SI ATUTTUWANAR, LALON GIMMEYHEYA ON NANGGAYHAYA TOY DIMMEE NAADAL NAR SIREN AMAMMAI MOT TANOM NAR DARIN LITTUU OT NANLAPU RA MOT MANSAVUNG ON MAMBUNGAT DEEM PODDA.
DOPINIO: “MU MANSAVUNG LITTUU WAR, DEE ATTOH SI UMALI AN IYUAN. BAVAYI ASTA LEI AN AWWOY YA PAREHON MANSAVUNG.
“MAVVESAR PANGILAN AN NAYUTU ON DOMONA MOT BUHBUHON LITTUU WAR MU ANON MOT SI PANII ON GANDAW RI BUNGA NAR DARI.
“MANSU’NUT DIYEN MAMBUNGA LITTUU WAR DARI, DIMMEE MOT RI MANTETTEYAVAR DARI… OT MEYAPU TOY TIMMUNGNIN MOT DI LUGAR MIYAR, DIMMEE MOT PISYA NANTUVU WAR AN ORKID SI PANGAN DI AYU WAR DARI.”
Page 9
SI NAPEYAVUSAR DARIN TAW-ON, NASANTAN RI PANETTE ON PANE’SE’LAT DI TATAHU WAR DARI I DOPINIO. URYAN DA MOT TINATTATAWAN RI UGALE NAR AN MANTANTANOM SI LITTUU AN DIYOY SI ALUUY NAN SAMILYAN SI AYU. BAYAW MU MANPINGSAN, DIYOY RAT MANVALAW: SANGKANAN URYAN BOTBOTON ON ILAHON DOPINIO RI AMAMMAI YAR MOT DARIN AWWOY ON AYU NA?
VISITOR #1: “MU ILAHOM DARANYEN AYU ON AWWOY, MILYONARYO AMOT!”
VISITOR #2: “SEGURADO’ AN MARI AMOT MANPAHPAHEL SITU BAIYURAR!”
NAMBALIW AN AMUNGLAN TOURIST ATTRACTION RI TANAMAN DOPINIO WAR. WAR NAUN-UNAR DARIN INTANOM NAN LITTUU ON URUM TAY AN AWWOY YA MASEVE MOT AN 50 METROS RI ANDUOYAN DAR. DIYOY RAT BISITAS AN SINOHSOHAN DAT DOPINIO TA ILAHO NA MOT RI NEYAMSANAR DARIN AWWOY SI MANGAP-APYAR DARIT PASIKING, AYUR, PALANGKA, BUTAKA, ON URUM TAY AN PRODUKTON SI RATTAN.
BUSINESSMAN: “MASKI MAGKANO, BILHIN KO LAHAT YANTOK MO.”
DOPINIO: “MAS GUSTO KO PO MAY INAANI AKONG LITTUKO KADA AGOSTO.”
SIREDYEN NAN-EL NIÑO SIREN 1997-98, SIMMAIT DI BILAYAR SIRI LUGAR DA DOPINIO WAR. NATDUANAN DI TAYO’TO AR DARI OT NAN-ATOY RI TANOM DI TATAHUWAR. KOLANG AMPAY PANUBUH DAR TOY NAANSANAN DIYEN TIYEHAW. DIMMEE TAY PISYA RI BANGBANGAWAN ON URUMAR TAY DARIN BEYANDAH. ATDI RI NAAPYAR TOY DIYOY RAT NANLOHAV SI AS-ASUPAR DARIN BAIYUR OT TIMMAYAN RI MANTETTEYAVAR DARI.
DOPINIO: “NANUNG DIYEN EL NIÑO YA MAVVES BILAY MIYAR TOY DEET AN-ANIYON MIT NABOBOV-ONAR DARI AN TANOM MI. DIYOY RAT KUDIYAS, GISANTES, GAYYA’, KAMOTE, LEE, SAYOTE, LARA, PATATAS, PIPINO, MANI, RABANUS, ON CARROT. NATIYEHAW LOM-AN DARARE SI NILAWUSAR AN ATUNG DI TIYEMPO WAR.
“MARI BAYAW NATDUANAN LOM-AN AN PANGEY-EYAN MIT PANUBUH SI GARDEN MIYAR. BAYAW DEE AMIM PODDAN MANPUPUWES SI DANUM... ANDOHLAN URITTI’ MOT LAN NASOHSOH ESEP UWAR — URITTI’ MOT LAN INLAHO’ RI SINALSALINUWAAR DARIN AWWOY ON AYU, TA MU MAVILAY LOHOM PAMILYAAR.”
Page 10
SI MISESEYUNURAR DARIN TAW-ON, KIMMAPUY RI PIYOAR, BIMLE RI PRESYON DI LAHO WAR AN FERTILIZER ON PAMUSITSIT SI PISTI, OT LALON NA’DUMAN DI BILAY RI TATAHUWAR SIRI KAKILINGAN. BINOTBOT DI AREEYANAR TAHU RI TANOM DAR AN GMELINA OT INLAHO RA RI NALAHARI YAR MOT AN TABLA SI MANGAP-APYAR DARIT MUEBLES. URUMAR YA INAPYARAN ULING ANDEMAN AN AYU AN MARUNGPIL DA. ON DIYOY RA PAT NI’BUS SI URUMAR LUGAR AN NAMARAHOL ON NAN-CHAINSAW SI AYU WAR DARIN URYAN DAN TONA.
ILLEGAL LOGGER #1: “EH, KUMPARI, MAN-ENGAT TA… TAGA BUENAVISTA ANU RI DIRECTOR DI FORESTRY YAR. ON ESTRIKTO ANU RI BARANGAY OFFICIALS DAR SITU, PASI MEMBROS DI PEOPLE’S ORGANIZATION DAR DARI.”
ILLEGAL LOGGER #2: “HEHEHE... MARI AN MANDANAG, PARI. ‘MADE IN CHINA’ TIYE TIN-AW UWAR AN CHAINSAW. MARI ANUN ANSAN MABEVEHA RI MAKINA NAR.”
OT OSAN EHAW, HABANG MAALIVUSU AN MAMOBPROBLEMA RI URUMAR ABEVEYOYAN DOPINIO MU DATTUT PANGEYAN DAT AYU AN DISIHON DAN ITUNGU O MU APYON DAN ULING TA WEYMU DIYOY SI ILAHO RA ON MAANAPAN DAN ISALIW SI ITANOM DAN BUE, FERTILIZER, PAMUSITSIT... PASI PAMBULANG... NAESEP ISYAN DOPINIO AN MANGI-OY SIRI TINDAANAR BAMBANG SI PATAMTAM TAY LOHOM AN INANI NAR LITTUU. DUWEYA TAY LOHOM AN TIKLIS AN NAPNUT NEYAMSAN AN BUNGA RI INKARGANAR SI PATUHI NAR.
FARMER #1: “SI BI’BIHAT, UWA DOPINIO... DATTUT AYAM TA GWAPO AM PODDA BESAN?”
FARMER #2: “MEYASA A, DOPINIO, TA OMOY A PAT DI LITTUU MAR DARI. MAN-IYATU A PAY TAY A... UMALI A BAYAW TA OMOY TAN MIBULANG!”
DOPINIO: “OMOYA’ SIRI BAMBANG. DIYOY SI ASAVAYAT UN MANSALIW SI LITTUU, TA ILAHO NA ANU SIRI BAGUIO.”
Page 11
NASALIW INSEGIDA RI BEBVE YAR LAHON DOPINIO AN LITTUU. MARIN NALILLIWA, SIMMIKAT DI LITTUUNAR DARI. AMAMMAI ON MAMIS DA EYAMPAY — MARIN ATDIT NI’BUS SI URUMAR LUGAR AN MAMAN-OH ON MAESOM. DEET MANSALIW AN BISITAS DOHLAN MAHANUN MAUMPUS RI LAHONAR. SI NAUN-UNAR PODDAN PAMUHBUH DOPINIO SI LITTUUNAR, OMOY AN SIMPIYUN LIVUN PESOS RI NANLAHOWANAR. LALON GIMMEYHEYAT DOPINIO AN NANTANOM SI LITTUU.
THICK MADAM: “BUY ME MORE OF THESE, ETENG. THESE ARE THE BIGGEST AND JUICIEST LITTUU I EVER TASTED IN MY LIFE!”
LOCAL ALALAY: “YES, MADAM... I WILL BUY ONE TIKLIS. LITTUU IS INDEED VERY GOOD FOR YOUR HEART AND BEAUTY, MADAM!”
HAWAIIAN TOURIST: “LET-TOO-OH! HOW I WISH WE ALSO HAVE FRUITS LIKE THIS IN HONOLULU...!”
WHITE TOURIST: “$1?”
AFRICAN-AMERICAN TOURIST: “TYPE KO TOW!”
JAPANESE TOURIST: “RITTUKU? ARIGATO... OISHI!”
TOUR GUIDE: “YOU DON’T HAVE LITTUU IN JAPAN? TASTE IT… MAMIS PODDA!”
BALIKBAYAN #1: “MANSALIW TA... BEYAW TONA’ LOM-AN BUE NAR. IUSA MI MU MANBEVOY AMIT SONGKA ON BINGO SIRI NEW JERSEY.”
BALIKBAYAN #2: “IDDANA’ AMPLAMU URITTI’ NA? ITANOM UT LIRUM DI KATURAY ON ARUNGGAY UWAR SIRI FLORIDA.”
Page 12
INAPYAN DOPINIO WAR YA OSAN KLASEN SI AGROFORESTRY AN NANPAVVES SI BILAY RI FAMILYA NAR ON NAMPAVVES TAY SI LUGAR DAR, SIMMEROT DI DATI YAR MABOTLONG AN BAIYUR ON DIMMEE MANTETEYAVAR ON URUM TAY WILDLIFE. MEYAPU TOY URYANAN BINOTBOT DI TANOM NAR DARIN PUN SI AYU AN PAN-EYAVAN DI LITTUU NAR, NASALBAR DI BEYOY RAR SIREDYEN DIYOY SI AMMAIN LOHAV. NAMBALIW PAY MAVVES AN SANDI DARARIYEN AYU MU MANPUWO’. PLANON DOPINIO AN MANPATA’DOH SI PANLAHOWANAT BUNGA ON SAMILYAN SI LITTUU SIRI HIGHWAY TA WEYMU MARA’DANA URUMAR TAHU.
LOCAL FORESTER: “SIREDYEN UNGA’ TAY, MILU’LUUYA’ I AMA’ AN MANPASYAL SI BABAIYURAR SITU BUENAVISTA, TOY PARTEN DI TALAVAHO NAR DIYE AN COWBOY DI RANCHO WAR SITUT DIYEN POTO’. MATANDALA’ AN NAYYIR TAY PODDAN LITTUU ON ANDEMAN AN AWWOY SITUT DIYEN TIYEMPO… GIYUN ON BOTLONG LOHOM DIYOYAR. BESAN ILA YA DEE MOT SI LITTUU SITU BUENAVISTA TOY NANGUNUR MOT PISYA URUMAR TATAHU SI MAVVESAR AN INAP-APYAN APU DOPINIO.”
FARMER LEADER: “INAL-ALI ON TINATTATAWAN DAT APU DOPINIO SIREN POTO’. BESAN YA NAMBALIW MOT AN RESPETADO ON POPULAR AN FARMER-LEADER. DARARE UPLAND FARMERS SAR AN NANATTATAWAT PANTANTANOM NAR SI LITTUU ON URUM TAY AN AWWOY YA MANPATUTTURU RA MOT ISYA MU ANDIYE MAVVESAR PANALINUT AWWOY, AYU, ON URUM TAY AN TANOM DAT AGROFORESTRY RAR.”
LOCAL TEACHER: “SI UWA DOPINIO YA SIKAT MOT BESAN AN PANGIYUN SI PEOPLE’S ORGANIZATION. SI ATUTTUWANAR, SIYAT FRONTLINER MI KADA DIYOY RAT UMALIN MANVISITA ON MAN-ADAL SI CBFM PROJECTS MIYAR SITU BUENAVISTA.”
MEYAPU TOY MASEROT AN PANGUNURAN DI URUMAR TATAHU RI NANPASARAN DOPINIO WAR, NANGAPYA RI ASOSASYON DAR SI PAMPHLET. IN-ITTU RAT TU RI INNUN DOPINIO WAR AN MANALINUT AWWOY ON AYU. NI’BUS TOY NAMBALIW MOT SI DOPINIO AN EKSPERTON SI PANTANTANOM SI AWWOY, NAMPASI’NU MOT AN INIMBITA RA AN MANUTTURU SI SEMINARAR DARI. OTOY RI OSAR MASEROT AN SUTSUR NA —
DOPINIO: “NANPINGSAN AN IMMEYAVA’ SI UNTU’ DI AYU WAR TA MAMUHBUH SI ILAHO’, NILAWUS PODDA GAYHAYA AR SI SEROT ON AREEN DI NEYUTU WAR DARIN BUNGA. OT UDI, TINAMA’ AN 40 MANTUNAT 60 KILOS DI ARAM-OT DI OSAR PONGOT SI LITTUU.
“SI APTI-OYAR SUTSUR, SIREDYEN I’PAS U MOT RI LANGGOTSE YAR AN NAPNUT LITTUU, NI’NAM YE YA GINUYUR DI MARAM-OTAR AN BINUHBUH U RI MATAHPIYAWAR BATANG U. PINUM-OTA’ PODDAT NANPATANGAAR... BAYAW NILIPOT SI TONGOR UWAR RI INUSAAR AN PAGUR.
“MAVVES LOHOM TOY IMMANAMUT INSEGIDA RI OSAR ANA’ UN MARIIT...TA MU MARI, URYA’ AMTA MU DIYOYA’ TAY AN TAHU BESAN. BAYAW AMTA YU? MEYAPU TOY DIYOY DARATYEN LITTUU, NAVUS RI MARIIT UWAR SI KOLEHYO — B.S. EDUCATION!”
(NAVUS MOT)
The workshop was supposed to be sponsored by University of the Philippines Baguio and the National Commission for Culture and the Arts, and was scheduled to be held at UP Baguio on 18-22 July 2016.
As it developed, however, the event was moved to October or sometime later this year.
From what I heard, the postponement was made as there were not enough takers from the linguistic groups (namely: Ibaloy, Kankanaey, Tingguian, Bontoc, Ifugao, Kalinga, Isnag, Gaddang, Ibanag, Ivatan, Itawes, Karao, Kalanguya, Iowak, Isinay, Kapampangan, Ilokano, and Pangasinan) targeted as participants.
The senior Isinay in me has no illusions that my two nonfiction entries may get the nod of the screening committee. But since there is a high probability that I may be out of the country by the time this would-be historic writing workshop pushes through (which means that I may not be able to participate in the workshop after all), I opted to share in this blog the script of one of my outputs -- a komiks that as far as I know is the first ever to be written in Isinay.
Eh, abeveyoya' an Isinay on i-Vizcaya, matuttuwa on maserot an pan-alegan tiyen sutsur. Mu ahayhayan yun poroban, ayon yun pasyalon di bida nar an si Ama Dopinio Mento, osan Kalanguya an taga Sitio Kakilingan, Barangay Buenavista, Bayombong (siri baiyurar si udduwon Busilac, an mavangte mu diyoy at di anduoyar deyangtoy siri Batu Ferry, Bambang).
APU LITTUU
KOMIKS
Insutsur CHARLZ CASTRO
Indrowing DANTE N. PECSON
Page 1
ATTU RI ITSORANAR SITIO KAKILINGAN, OSAN MAN-OH AN BEVEYOY SIRI UDDUWON BARANGAY BUENAVISTA, MABAIYUR AN LUGAR AN SAHUPON BAYOMBONG, NUEVA VIZCAYA.
SIREDYEN POTO’ YA PAMPATPATTOLAN TAY SI BAHA ON NUWANG TIYEN KAKILINGAN. OPONG SI TIYEHAW YA LOHAVANDA RI IMMOTONGAR DARIN BOTLONG TOY AYAWON DI AYOPAR DARI RI MISANOTAR AN BEYUN BOTLONG.
MANSU’NUT DIYEN INDEKLARAN DI GOBYERNO WAR AN COMMUNITY-BASED FOREST MANAGEMENT AREA TIYEN LUGAR, NANTANTANOM RI TATAHU WAR DARIT AYU-AYU ON URUM TAY AN PAMBILAYAN. BESAN YA SIMMEROT MOT KAKILINGAN.
Page 2
MARAWUM AMMAIYANAR SI GAYHAYA SI TATAHUWAR SIRI KAKILINGAN BESAN YA SIMBEYANAR AN DOPINIO ON MEDINA MENTO. MITMITTU DARATYEN KALANGUYA SIRI URUDDU WAR PODDAN PARTEN SI KAKILINGAN.
BEYAW MARIN ATDIT AREEYANAR AN ABEVEYOYANA AN AY-AYAN DA LAN MAVILAY SI BAIYURAR, MASEROT DONGNGEYON RI SUTSUR DI NAMPASAN DA DOPINIO WAR.
MATANDALAN TAY DOPINIO MU ANDIYE BILAYAR SIRI KAKILINGAN SIREDYEN POTO’.
DOPINIO: “SIRIYEN 1980 AN DIMMATONG AMITTU KAKILINGAN... MAROOT TAY ON MASULIT PIYO’ NAR TOY KODAL IMAN SI BAHA.
“MU TIYEHAW AN LOHAVAN DA URUMAR BAIYUR, UMALI RI APUYAR SITU LUGAR MIYAR. OT NAYYIR PODDAN MAAPIT MIT TANOM MIYAR DARIN LAMOS TOY MEPA ON MATOY RAT MATUNGAR... ATDI PAY SI URUMAR BUWEN, MATDUANAN TAYO’TO AR DARI...
“ATDI PAY AN MABATUM PODDA TIYEN LUGAR. SIN-OTSA TAY RI AYU-AYU NAR TOY DODDOT DA IMAN AN LOHAVAN. ANDOHLAN MU TIYEMPON SI TIYEHAW YA ALATLAN DISYERTO AN MATUNG... MASAIT PODDA BILAY MIYAR.
“MU DIYOY ILAT MAPARAS SI TANOM MIYAR DARI, NEYYIR PAYLAT SERBI RA MU UMALIN MANGGATIN ON MANUTTUR RI DEEYAR BAHA. OT MU LAVI ILA YA DIYOY RAT URUM TATAHU AN MANGERAW SI BUNGAN DI NAMPAHELAN MIYAR.”
Page 3
DOPINIO: “MAVILAY LOHOM PAMILYAAR, NILLAT OSAN INAPYA’ — MANALINUT BAVUY, MANLAHOT ITUNGU, INPATANGDAN U NUWANG UWAR..."
DOPINIO: “IMMOYA’ PAY NANGAN-ANUP SI ADDAWIYAR LUGAR... IMBUYA’ PAY NILILLIYA’ SI URUMAR TATAHUT TU BUENAVISTA ON URUMAR BEVEYOY...
“ATDI PAY AN INESEP UN UMULI AMI MOT LOHOM SIRI NI’BUSAN MIYAR AN MABAIYUR ON ADDAWIN BEVEYOY SI AMBAGUIO.
“WAR NANAWIRAR ISAON AN TUMAYAN SIREN MASAITAN AMI TAY PODDAT BILAYAR SITU KAKILINGAN YA OTANG UWAR MAVVES NOMNOM I APU GAVINO ACOSTA. SIYAT NANAH-A ISAON AN UMALITTU.”
GAVINO ACOSTA: “MAVVES TOY IMMALI AYUTTU MAN-OHAR BEVEYOY MIN BUENAVISTA! DOMON YUN MITTUT TU… MANTUNAT AHAYHAYAN YU. NARARAN AMIN MANGIATOR SI DA’DA’ IRA’YU BASTA MARI AYUN MAMOTBOT SI AYU.”
DOPINIO: “SALAMAT PODDA, APU GAVINO. AHAYHAYAN MITTU LUGAR YUWAR. ILALOWAN YU AN ABVESON MIN SIMBEYAN RI ISF MIYAR.”
DOPINIO: “SI MAVVESAR PEYAR, SIREN 1984, INLAPUN DENR RI PROGRAMA NAR AN INTEGRATED SOCIAL FORESTRY SITU NUEVA VIZCAYA. NIPEYAR AN SAON SI OSAN NITOTEN PARTICIPANT-BENEFICIARY.”
DENR FACILITATOR: “THE ISFP SEEKS TO DEMOCRATIZE ACCESS TO FOREST RESOURCES. IT IS BASICALLY AGRARIAN REFORM IN THE UPLANDS.”
Page 4
DIYOY SI DINAWAT DOPINIO ON A-ISU NAR DARIN UPLAND FARMERS AN PAPELES NI’BUS SI DENR AN NANGARANAN SI CERTIFICATE OF STEWARDSHIP CONTRACT.
FORESTRY DIRECTOR: “OTOY RI CSC MAR, UWA DOPINIO... IT GIVES YOU TENURIAL SECURITY FOR 25 YEARS, RENEWABLE FOR ANOTHER 25. CONGRATULATIONS!”
DOPINIO: “SALAMAT SI DEEM PODDA IRA’YU, APU DIRECTOR ROMY ACOSTA!”
BOON AN ATDIT URUMAR SOCIAL FORESTRY PARTICIPANTS, TINUTTUWAN DOPINIO RI NISULATAR SI ISFP CERTIFICATE OF STEWARDSHIP CONTRACT NAR.
DOPINIO: “ANDIYE NI RI MAVVESAR ITANOM SI NIATORAR AN LUGAR MIT TU BAIYURAR? AHAYHAYA’ TANOMAR DARI AN AMPAYLAMU MARI YA’ MAMOTBOT SI AYU, YA MARIN MAABOLEYAN RI BILAY MIYAR AN SINPAMILYA.”
SI PANGAN-ANANAP DOPINIO MU ANDIYE RI MAVVESAR DARI AN ITANOM NA, IMMOY NANANSANTUT URUMAR TATAHU ON NAMPASYAL SI URUMAR BEVEYOY.
DOPINIO’S WIFE MEDINA: “DOPINIO, SANGKANAN DODDOT AN TUMAYTAYAN?!! ANNU, DIYOY SI MARIIT AN AYOM AR-ARUGON?!!”
DOPINIO (THINKING OUT LOUD): “DUPAX=MANGO. KASIBU=CITRUS. BAGUIO=STRAWBERRY. SANTA FE=HANDICRAFT. BELANCE=YAKUN. DALTON PASS=ORCHIDS.”
Page 5
AMUNGLAN NITDAN SI MASAIT SUVVETON ON MANGANGNGA’ AN LOHMO’, EHAWAN TA LAVI AN NAN-ESE-ESEP SI DOPINIO. NI’NAM NIYE, OSAN EHAW...
DOPINIO (SHOUTING): “ALLELUYA! AMTA’ MOT! AMTA’ MOT! LITTUU!!!”
NILAWUS RI GAYHAYAN DOPINIO WAR SI NAESEP NAR AN ITANOM SI LUGAR NAR SIRI BAIYURAR — AWWOY AN MAMBUNGAT LITTUU.
DOPINIO: “SALAMAT, APU DIYOS. TUWA RI INADDI MAR… MU ANAPOM, YA MAANAPAM!”
NANBEVOY SI ESEP DOPINIO WAR RI DINGNGE NAR DARIN SUTSUR MIPUN SI LITTUU.
SITU URUDDUN LUZON, DEEN BEVEYOY ANU, ALIMBAWA NUEVA VIZCAYA, QUIRINO, IFUGAO, ISABELA, ILOCOS, ON BAGUIO, AN AHAYHAYAN PODDA RI BAVAYI YAR DARI, PASI UUNGA, AN ANON DI LITTUU WAR. MU NEYUTU AMPAY TIYE YA MASANTAN SI MAMIS RI DATI YAR MAESOM AN TAMTAM NA.
NATANDALAN PAY DOPINIO RI INILA NAR DARIT DI BAMBANG AN BURUWON DA NEYAMSANAR AN LITTUU. MAVVES ANU TIYEN TAPAL SI UU’ ON TONSILITIS.
MU NEYIR SOMPALO, MANGGA, O MU KALAMANSI, DOMO NA ANUN PANLOHOS SI SINIGANG RI LITTUU WAR. ATDI PAY MU KILAW AN I-AN ON MANLAPTULAPTU’ AN AHDAW AN NGARANAN DAT JUMPING SALAD.
DINGNGE NA PAY AN AMPLAMU MATA TAY YA AYAWON ANU RI MANSISIPE YAR DARI.
OSATAY NANU’NU’ DOPINIO YA NEYIR TAY INILA NA AMPLAMU OSAN NANTUVUN LITTUU O MU ANDEMAN AN AWWOY SIRI KAKILINGAN ON BUENAVISTA.
BAYAW OT MARIN NALILLIWA, DIYOY PAT OSAN PROBLEMA...
DOPINIO (THINKING): “PANGEYA’ NGAY SI BUE? SIRI SIERRA MADRE? SIRI BANAUE? ADDAWI RAM PODDA. I-ATOR U MOT LOHOM PAMPILETE AR SI ANA’ UWAR DARIN MAN-IKWILA.
“OT MU SIRI ILA DALTON PASS ON SANTA FE SI PANGANAPA’ SI BUE, MARAWUM DARAMONA’ PAY BI-AL UWAR. AY APU, SI SATYEN IN-ALAHAY U, SUSPETSO NA TAY AN MANGARUGA’ SI URUM!”
Page 6
MAVVES LOHOM TOY DIYOY PAT NAESEP DOPINIO AN SOLUSYON: OMOY SIRI BEVEYOYAR BAMBANG AN MAVANGTE MU DIYOY AT DI BAIYURAR KAKILINGAN.
TSISMOSA #1: “EH, KUMARI, ILAM DYU LEIYAR... MILAHLAHAYAN AN MAMMUNG SI BUEN SI LITTUU... WAN MANSISIPE BI-AL NAR?”
TSISMOSA #2: “PSSSTT… BA’BA’ A… WAPAY NI’BUS NIYET DI MENTAL HOSPITAL!”
SIMPIYUN BUE LOHOM RI IMMUNG DOPINIO WAR SIRI BAMBANG. BAYAW SOSTO MOT TIYEN PANLAPUWAN, INADDI NAT ESEP NAR.
DOPINIO (WHISPERING): “TIPE LOHOM. URITTI’ LA INUMMUNG UWAR BESAN, BAYAW AS-ASUP PAY BEYOY MIYAR SITU BAMBANG. ASA’ TU PAY UMULI.”
TINANDALAN DOPINIO RI INTUTTURUN DI OSAR AN MANLAHLAHOT ORKID ON SEMILYAN SI AWWOY SIRI SANTA FE.
DOPINIO (NICKING LITTUU SEEDS): “TA WEYMU MANTUVUN INSEGIDA, AY-AYUNOM AN ALSON RI U’BUNG DI TUUTU’ DI BUE YAR AN BUTTAN DI SAMILYA NAR.
“MU URYA’ APYON TIYEN TEKNIK, SINTAW-ONAN NANUNG MANTUVU TIYEN BUE. BOON ILA YA MATOY.”
Page 7
SIREDYEN NANLOTA’ RI NAUN-UNAR DARIN BUE, NAMMUNG PAT DOPINIO SI MAS DEE TAY AN BUE. AMUNG AMMAIN LOHAV, NITETAH INSEGIDA AN DIYOY SI OSAPAY AN AP-APYON DOPINIO.
WOMAN #1: “ANAY APU, ANDE NIN DAHOM RI LIMMOOVAR SI IYUN DOPINIO WAR?”
WOMAN #2: “LITTUU?!? SIRAN SI NANGIVAHAN MANTUVU NIYET TU?”
FARMER #1: “AYYU-AYYU, SI’NUN BUWEN MOT PELAOVOS AN MAN-AT-ATNA NIYEN LAHAY. NILAWUS NI PANKABAW NAR.”
MAN #1: “MANTANTANOM ANUT AWWOY SI DOPINIO??! HA-HA-HA... NAVILAW! NANGILAM AN MANTUVU RI AWWOY YAR?”
MAN #2: “MATANDALAM TAY SIREN BEYU TAU DIMMATONG SITU KAKILINGAN? MISABSAVAYAT NET DOPINIO SI PUN SI BALITIYON.”
SARI-SARI STORE KEEPER: “MAHO’GOSAN… BAYAW ATNA MAAPYAR SI TATAHUWAR DARIN NILAWUS RI ESEP DAR...”
TSISMOSA #1: “ADYON BI-AL MEDINA, AN OPONG SI EHAW YA MANEYTEYA’NUT LAHAY NAN DOPINIO AN OMOY MANUBUH SI TANOM NAR DARIN AWWOY. KESUS-MADIYA-KUSEP, PATAWAROM. MAVVES LOHOM TOY MARIN ATNA RI LAHAY UWAR!”
TSISMOSA #2: “SIYARI IMAN, KUMARI… PAREHON MAMBUTO-VUTONG RI LAHAY UWAR ON LAHAY MUWAR, BAYAW NEYYIR URUM PANBILBILAWANDA MU BOON AN ALAH ON SEROT TAR... ANDIYE BOTAON DOPINIO WAR SI DARANEN AWWOY?”
AMTAN DOPINIO AN SIYAT PANSUSUTSURAN DI TATAHUWAR DARIT DI KAKILINGAN. BAYAW URYA NA DIRAN PINELET. KADA DIYOY SI MAONNANAN BUEN SI LITTUU ON URUM TAY AN AWWOY, AYONA INSEGIDA DIRAN ITANOM SIRI AGROFORESTRY FARM NAR SI BAIYURAR. SIREN UN-UNANA, OMOY AN SINDOSENA LOHOM RI ITANTANOM NAR. MARIN NALILLIWA, SIN-GOMGOM BOON ILA YA NILASLASUS MOT RI PANLOTLOTAONAR.
MU SINDANGAN MOT RI AMMAIYAN DI SAMILYA NAR DARI, AYONA DIRAN I’TAN SI GITAWAR. KADA OSAN SAMILYAN SI LITTUU AN I’TAN NA, DIYOY SI ALUUY NA AN SAMILYAN SI NARRA, GMELINA, MAHOGANY, OMU URUM TAY AN AYU. TINAMNAN DOPINIO RI CBFM AREA NAR, PALIWOR DI BEYOY RAR, TANDIH DI DEYANAR, PASI URUMAR BAIYUR. BESAN MOT YA LIVU-LIVU AN LITTUU ON ALUUY RAR AN PUN SI AYU RI INTANOM DOPINIO WAR SIRI BEVEYOY RAR KAKILINGAN.
DOPINIO (PLANTING LITTUU): “SATU RI ADYONDAR AN ‘SYMBIOSIS’. MU UMAMMAI DARATYEN LITTUU, DIYOY TUT PAN-EYAVAN DAN AYU. MINABANG TU PISYA DARATYEN AYU TOY DIYOY TUT LIRUM DAN LITTUU MU TIYEHAW. POORON TU PAY RI SUWIT DI LITTUU WAR DARARE MAMOTBOTAR DARIT AYU.
“MASEROT MU MANDARAPAT AN ITANOM DI LITTUU ON AYU WAR DARI, TOY MANBALIW RAN MATUWAN EYAS, MARIN MONOCULTURE.”
Page 8
SIREDYEN MAVATAR MOT PODDA RI MAVVESAR AN PEYAR DI INTANOM NAR DARI AN LITTUU ON AYU, MANGGAYHAYAM PODDAT DOPINIO. BAYAW MADAHET RI PANGIONNAN DI URUMAR TAHU.
TREE CUTTER: “PISTI TIYEN DOPINIO... SANGKANAN TINAMNANAT AWWOY DARATYEN LUGAR? DEEM PODDAT SUWIT DA! MASAIT MOT PODDA AN MANGAYU ON MAMOTBOT SI GMELINA!”
MU URUM YA UMARUNGE PISYA ANA’ DOPINIO WAR DARI. MARAWUM BEYOYAN ANUT IRAW ON URUM TAY AN BALANG AN AYOP RI INAPYAN DI AMA RAR AN EYAS SI AYU ON LITTUU.
DOPINIO’S SMALL DAUGHTER: “PAPA DOPS, I LIKE LITTUU BUT NOT SNAKES!”
MARIN PINELET DOPINIO DARAREN DODDORAH DI ASAH-ON NAR TATAHU. INTOLTOLANG NA PASI PANKENE’ DI ANA’ NAR DARI. SI ATUTTUWANAR, LALON GIMMEYHEYA ON NANGGAYHAYA TOY DIMMEE NAADAL NAR SIREN AMAMMAI MOT TANOM NAR DARIN LITTUU OT NANLAPU RA MOT MANSAVUNG ON MAMBUNGAT DEEM PODDA.
DOPINIO: “MU MANSAVUNG LITTUU WAR, DEE ATTOH SI UMALI AN IYUAN. BAVAYI ASTA LEI AN AWWOY YA PAREHON MANSAVUNG.
“MAVVESAR PANGILAN AN NAYUTU ON DOMONA MOT BUHBUHON LITTUU WAR MU ANON MOT SI PANII ON GANDAW RI BUNGA NAR DARI.
“MANSU’NUT DIYEN MAMBUNGA LITTUU WAR DARI, DIMMEE MOT RI MANTETTEYAVAR DARI… OT MEYAPU TOY TIMMUNGNIN MOT DI LUGAR MIYAR, DIMMEE MOT PISYA NANTUVU WAR AN ORKID SI PANGAN DI AYU WAR DARI.”
Page 9
SI NAPEYAVUSAR DARIN TAW-ON, NASANTAN RI PANETTE ON PANE’SE’LAT DI TATAHU WAR DARI I DOPINIO. URYAN DA MOT TINATTATAWAN RI UGALE NAR AN MANTANTANOM SI LITTUU AN DIYOY SI ALUUY NAN SAMILYAN SI AYU. BAYAW MU MANPINGSAN, DIYOY RAT MANVALAW: SANGKANAN URYAN BOTBOTON ON ILAHON DOPINIO RI AMAMMAI YAR MOT DARIN AWWOY ON AYU NA?
VISITOR #1: “MU ILAHOM DARANYEN AYU ON AWWOY, MILYONARYO AMOT!”
VISITOR #2: “SEGURADO’ AN MARI AMOT MANPAHPAHEL SITU BAIYURAR!”
NAMBALIW AN AMUNGLAN TOURIST ATTRACTION RI TANAMAN DOPINIO WAR. WAR NAUN-UNAR DARIN INTANOM NAN LITTUU ON URUM TAY AN AWWOY YA MASEVE MOT AN 50 METROS RI ANDUOYAN DAR. DIYOY RAT BISITAS AN SINOHSOHAN DAT DOPINIO TA ILAHO NA MOT RI NEYAMSANAR DARIN AWWOY SI MANGAP-APYAR DARIT PASIKING, AYUR, PALANGKA, BUTAKA, ON URUM TAY AN PRODUKTON SI RATTAN.
BUSINESSMAN: “MASKI MAGKANO, BILHIN KO LAHAT YANTOK MO.”
DOPINIO: “MAS GUSTO KO PO MAY INAANI AKONG LITTUKO KADA AGOSTO.”
SIREDYEN NAN-EL NIÑO SIREN 1997-98, SIMMAIT DI BILAYAR SIRI LUGAR DA DOPINIO WAR. NATDUANAN DI TAYO’TO AR DARI OT NAN-ATOY RI TANOM DI TATAHUWAR. KOLANG AMPAY PANUBUH DAR TOY NAANSANAN DIYEN TIYEHAW. DIMMEE TAY PISYA RI BANGBANGAWAN ON URUMAR TAY DARIN BEYANDAH. ATDI RI NAAPYAR TOY DIYOY RAT NANLOHAV SI AS-ASUPAR DARIN BAIYUR OT TIMMAYAN RI MANTETTEYAVAR DARI.
DOPINIO: “NANUNG DIYEN EL NIÑO YA MAVVES BILAY MIYAR TOY DEET AN-ANIYON MIT NABOBOV-ONAR DARI AN TANOM MI. DIYOY RAT KUDIYAS, GISANTES, GAYYA’, KAMOTE, LEE, SAYOTE, LARA, PATATAS, PIPINO, MANI, RABANUS, ON CARROT. NATIYEHAW LOM-AN DARARE SI NILAWUSAR AN ATUNG DI TIYEMPO WAR.
“MARI BAYAW NATDUANAN LOM-AN AN PANGEY-EYAN MIT PANUBUH SI GARDEN MIYAR. BAYAW DEE AMIM PODDAN MANPUPUWES SI DANUM... ANDOHLAN URITTI’ MOT LAN NASOHSOH ESEP UWAR — URITTI’ MOT LAN INLAHO’ RI SINALSALINUWAAR DARIN AWWOY ON AYU, TA MU MAVILAY LOHOM PAMILYAAR.”
Page 10
SI MISESEYUNURAR DARIN TAW-ON, KIMMAPUY RI PIYOAR, BIMLE RI PRESYON DI LAHO WAR AN FERTILIZER ON PAMUSITSIT SI PISTI, OT LALON NA’DUMAN DI BILAY RI TATAHUWAR SIRI KAKILINGAN. BINOTBOT DI AREEYANAR TAHU RI TANOM DAR AN GMELINA OT INLAHO RA RI NALAHARI YAR MOT AN TABLA SI MANGAP-APYAR DARIT MUEBLES. URUMAR YA INAPYARAN ULING ANDEMAN AN AYU AN MARUNGPIL DA. ON DIYOY RA PAT NI’BUS SI URUMAR LUGAR AN NAMARAHOL ON NAN-CHAINSAW SI AYU WAR DARIN URYAN DAN TONA.
ILLEGAL LOGGER #1: “EH, KUMPARI, MAN-ENGAT TA… TAGA BUENAVISTA ANU RI DIRECTOR DI FORESTRY YAR. ON ESTRIKTO ANU RI BARANGAY OFFICIALS DAR SITU, PASI MEMBROS DI PEOPLE’S ORGANIZATION DAR DARI.”
ILLEGAL LOGGER #2: “HEHEHE... MARI AN MANDANAG, PARI. ‘MADE IN CHINA’ TIYE TIN-AW UWAR AN CHAINSAW. MARI ANUN ANSAN MABEVEHA RI MAKINA NAR.”
OT OSAN EHAW, HABANG MAALIVUSU AN MAMOBPROBLEMA RI URUMAR ABEVEYOYAN DOPINIO MU DATTUT PANGEYAN DAT AYU AN DISIHON DAN ITUNGU O MU APYON DAN ULING TA WEYMU DIYOY SI ILAHO RA ON MAANAPAN DAN ISALIW SI ITANOM DAN BUE, FERTILIZER, PAMUSITSIT... PASI PAMBULANG... NAESEP ISYAN DOPINIO AN MANGI-OY SIRI TINDAANAR BAMBANG SI PATAMTAM TAY LOHOM AN INANI NAR LITTUU. DUWEYA TAY LOHOM AN TIKLIS AN NAPNUT NEYAMSAN AN BUNGA RI INKARGANAR SI PATUHI NAR.
FARMER #1: “SI BI’BIHAT, UWA DOPINIO... DATTUT AYAM TA GWAPO AM PODDA BESAN?”
FARMER #2: “MEYASA A, DOPINIO, TA OMOY A PAT DI LITTUU MAR DARI. MAN-IYATU A PAY TAY A... UMALI A BAYAW TA OMOY TAN MIBULANG!”
DOPINIO: “OMOYA’ SIRI BAMBANG. DIYOY SI ASAVAYAT UN MANSALIW SI LITTUU, TA ILAHO NA ANU SIRI BAGUIO.”
Page 11
NASALIW INSEGIDA RI BEBVE YAR LAHON DOPINIO AN LITTUU. MARIN NALILLIWA, SIMMIKAT DI LITTUUNAR DARI. AMAMMAI ON MAMIS DA EYAMPAY — MARIN ATDIT NI’BUS SI URUMAR LUGAR AN MAMAN-OH ON MAESOM. DEET MANSALIW AN BISITAS DOHLAN MAHANUN MAUMPUS RI LAHONAR. SI NAUN-UNAR PODDAN PAMUHBUH DOPINIO SI LITTUUNAR, OMOY AN SIMPIYUN LIVUN PESOS RI NANLAHOWANAR. LALON GIMMEYHEYAT DOPINIO AN NANTANOM SI LITTUU.
THICK MADAM: “BUY ME MORE OF THESE, ETENG. THESE ARE THE BIGGEST AND JUICIEST LITTUU I EVER TASTED IN MY LIFE!”
LOCAL ALALAY: “YES, MADAM... I WILL BUY ONE TIKLIS. LITTUU IS INDEED VERY GOOD FOR YOUR HEART AND BEAUTY, MADAM!”
HAWAIIAN TOURIST: “LET-TOO-OH! HOW I WISH WE ALSO HAVE FRUITS LIKE THIS IN HONOLULU...!”
WHITE TOURIST: “$1?”
AFRICAN-AMERICAN TOURIST: “TYPE KO TOW!”
JAPANESE TOURIST: “RITTUKU? ARIGATO... OISHI!”
TOUR GUIDE: “YOU DON’T HAVE LITTUU IN JAPAN? TASTE IT… MAMIS PODDA!”
BALIKBAYAN #1: “MANSALIW TA... BEYAW TONA’ LOM-AN BUE NAR. IUSA MI MU MANBEVOY AMIT SONGKA ON BINGO SIRI NEW JERSEY.”
BALIKBAYAN #2: “IDDANA’ AMPLAMU URITTI’ NA? ITANOM UT LIRUM DI KATURAY ON ARUNGGAY UWAR SIRI FLORIDA.”
Page 12
INAPYAN DOPINIO WAR YA OSAN KLASEN SI AGROFORESTRY AN NANPAVVES SI BILAY RI FAMILYA NAR ON NAMPAVVES TAY SI LUGAR DAR, SIMMEROT DI DATI YAR MABOTLONG AN BAIYUR ON DIMMEE MANTETEYAVAR ON URUM TAY WILDLIFE. MEYAPU TOY URYANAN BINOTBOT DI TANOM NAR DARIN PUN SI AYU AN PAN-EYAVAN DI LITTUU NAR, NASALBAR DI BEYOY RAR SIREDYEN DIYOY SI AMMAIN LOHAV. NAMBALIW PAY MAVVES AN SANDI DARARIYEN AYU MU MANPUWO’. PLANON DOPINIO AN MANPATA’DOH SI PANLAHOWANAT BUNGA ON SAMILYAN SI LITTUU SIRI HIGHWAY TA WEYMU MARA’DANA URUMAR TAHU.
LOCAL FORESTER: “SIREDYEN UNGA’ TAY, MILU’LUUYA’ I AMA’ AN MANPASYAL SI BABAIYURAR SITU BUENAVISTA, TOY PARTEN DI TALAVAHO NAR DIYE AN COWBOY DI RANCHO WAR SITUT DIYEN POTO’. MATANDALA’ AN NAYYIR TAY PODDAN LITTUU ON ANDEMAN AN AWWOY SITUT DIYEN TIYEMPO… GIYUN ON BOTLONG LOHOM DIYOYAR. BESAN ILA YA DEE MOT SI LITTUU SITU BUENAVISTA TOY NANGUNUR MOT PISYA URUMAR TATAHU SI MAVVESAR AN INAP-APYAN APU DOPINIO.”
FARMER LEADER: “INAL-ALI ON TINATTATAWAN DAT APU DOPINIO SIREN POTO’. BESAN YA NAMBALIW MOT AN RESPETADO ON POPULAR AN FARMER-LEADER. DARARE UPLAND FARMERS SAR AN NANATTATAWAT PANTANTANOM NAR SI LITTUU ON URUM TAY AN AWWOY YA MANPATUTTURU RA MOT ISYA MU ANDIYE MAVVESAR PANALINUT AWWOY, AYU, ON URUM TAY AN TANOM DAT AGROFORESTRY RAR.”
LOCAL TEACHER: “SI UWA DOPINIO YA SIKAT MOT BESAN AN PANGIYUN SI PEOPLE’S ORGANIZATION. SI ATUTTUWANAR, SIYAT FRONTLINER MI KADA DIYOY RAT UMALIN MANVISITA ON MAN-ADAL SI CBFM PROJECTS MIYAR SITU BUENAVISTA.”
MEYAPU TOY MASEROT AN PANGUNURAN DI URUMAR TATAHU RI NANPASARAN DOPINIO WAR, NANGAPYA RI ASOSASYON DAR SI PAMPHLET. IN-ITTU RAT TU RI INNUN DOPINIO WAR AN MANALINUT AWWOY ON AYU. NI’BUS TOY NAMBALIW MOT SI DOPINIO AN EKSPERTON SI PANTANTANOM SI AWWOY, NAMPASI’NU MOT AN INIMBITA RA AN MANUTTURU SI SEMINARAR DARI. OTOY RI OSAR MASEROT AN SUTSUR NA —
DOPINIO: “NANPINGSAN AN IMMEYAVA’ SI UNTU’ DI AYU WAR TA MAMUHBUH SI ILAHO’, NILAWUS PODDA GAYHAYA AR SI SEROT ON AREEN DI NEYUTU WAR DARIN BUNGA. OT UDI, TINAMA’ AN 40 MANTUNAT 60 KILOS DI ARAM-OT DI OSAR PONGOT SI LITTUU.
“SI APTI-OYAR SUTSUR, SIREDYEN I’PAS U MOT RI LANGGOTSE YAR AN NAPNUT LITTUU, NI’NAM YE YA GINUYUR DI MARAM-OTAR AN BINUHBUH U RI MATAHPIYAWAR BATANG U. PINUM-OTA’ PODDAT NANPATANGAAR... BAYAW NILIPOT SI TONGOR UWAR RI INUSAAR AN PAGUR.
“MAVVES LOHOM TOY IMMANAMUT INSEGIDA RI OSAR ANA’ UN MARIIT...TA MU MARI, URYA’ AMTA MU DIYOYA’ TAY AN TAHU BESAN. BAYAW AMTA YU? MEYAPU TOY DIYOY DARATYEN LITTUU, NAVUS RI MARIIT UWAR SI KOLEHYO — B.S. EDUCATION!”
(NAVUS MOT)
Banih Siri Dampol
Meyapu toy man-ur-uran mot pay, naesep un iviyang tiye osar an sutsur ri deyangtoyar Dampol siri Dupax del Sur:
OSAN SUTSUR SI BANIH
Watdin poto’ ot war mampe’pen di pariyar ot osan bavayi an mandam-ot. Osan lavi, immoy nangyator di bavayiyar si pine’peyanar darin eeng. War luuy nar ot asawa nar.
Siriyen diyoy rat di konbentowar, matden podda uranar. Mi’bus toy mahah dan amoy si payawar, mari ran mahayhaya an man-awat dampolar, ineya ra sariye as-asupar an pan-awan. Umappang da, bayaw war danumar ot ammain podda.
Wa ri leiyar, mari otiyan mahayhayan man-awat di, toy amta na ta madehet. Mandeyomdom, mu war bavayiyar impoppor na.
Besan, siriyen nan-awa rat di, naanur di bavayiyar mandam-ot. Lei yar lohom si nirunan dimmatong siri beyoy ra.
Nansu’nut diyen oras an naanur diyen bavayi, dee mot si bumutbutta si atdiyon da an banih siriyo dampolar. An lavi anu ela ya mangisap-oy si inaveyar darin mapuraw.
Andoholan war tahuwar dari ot tumaut man-awat di lalo mu sariye laviyar darin man-ur-uran on mari mos masne ri buwenar, ta atdiyon di tahuwar dari ta diyoy pay anu ri banihar siriye dampolar.
Satu ri amtaar estoryan si banih.
(Satiyen sutsur ya ni’bus i ERMELINDA C. MAGALAD siriyen Oktubre 4, 1966 ot niseum si librun Ernesto Constantino war an ISINAY TEXTS AND TRANSLATIONS an naimprenta siredyen Disyembre 1982.)
OSAN SUTSUR SI BANIH
Watdin poto’ ot war mampe’pen di pariyar ot osan bavayi an mandam-ot. Osan lavi, immoy nangyator di bavayiyar si pine’peyanar darin eeng. War luuy nar ot asawa nar.
Siriyen diyoy rat di konbentowar, matden podda uranar. Mi’bus toy mahah dan amoy si payawar, mari ran mahayhaya an man-awat dampolar, ineya ra sariye as-asupar an pan-awan. Umappang da, bayaw war danumar ot ammain podda.
Wa ri leiyar, mari otiyan mahayhayan man-awat di, toy amta na ta madehet. Mandeyomdom, mu war bavayiyar impoppor na.
Besan, siriyen nan-awa rat di, naanur di bavayiyar mandam-ot. Lei yar lohom si nirunan dimmatong siri beyoy ra.
Nansu’nut diyen oras an naanur diyen bavayi, dee mot si bumutbutta si atdiyon da an banih siriyo dampolar. An lavi anu ela ya mangisap-oy si inaveyar darin mapuraw.
Andoholan war tahuwar dari ot tumaut man-awat di lalo mu sariye laviyar darin man-ur-uran on mari mos masne ri buwenar, ta atdiyon di tahuwar dari ta diyoy pay anu ri banihar siriye dampolar.
Satu ri amtaar estoryan si banih.
(Satiyen sutsur ya ni’bus i ERMELINDA C. MAGALAD siriyen Oktubre 4, 1966 ot niseum si librun Ernesto Constantino war an ISINAY TEXTS AND TRANSLATIONS an naimprenta siredyen Disyembre 1982.)
Subscribe to:
Posts (Atom)